PBB and PDA Audition
Tuesday, March 3rd, 2009Mahaba ang pila……
Maraming gustong mangarap……
Maraming nag-nanais na makilala at mapabilang sa mundo ng Telebisyon……
Opo marami kami! Hehe… Just today isa po ako sa mga nag-audition sa Pinoy Big Brother at Pinoy Dream Academy Here in Baguio City. Sabihin na nating mahirap at kailangang habaan ang pasensya sa pag-pila para lamang mabigyan ng oportunidad sa ganitong klaseng reality show, at sabihin na rin nating kailangang magreserba ng araw para sa audition, kailangan nating isakripisyo ang ibang gawain. Well, ok lang dahil ang ganitong oportunidad ay hindi araw-araw dumarating. Hindi natin araw-araw masusubukang makilala, hindi natin araw-araw masususbukang ipakita ang ating mga talento bilang tayo. Sa pagkakataong ito kailangan nating subukan malay mo isa ka pala sa hinahanap nila. At yan ang naging rason ko kung bakit sinubukan kong mapasali sa mga nag-audition.
Hehe… Simpleng indibidwal man po ako ay may pangarap din hindi lamang para sa sarili kundi pati na rin sa mga taong mahal ko sa buhay. At naniniwala po ako na sa pamamagitan ng aking talento at prinsipyo sa buhay ay matutupad ko ito.
Sa naganap na audition dito sa Baguio City ng Pinoy Big Brother at Pinoy Dream Academy Season 3 March 3&4 ay lubos po akong nagpapasalamat sampu ng aking mga kababayan dito sa Baguio sa Pag-bigay ng ABS-CBN ng pagkakataon sa mga taong nag-aasam na maging bahagi ng kanilang Reality Show. Bagaman di ako nakapasa sa audition ay masaya na rin ako at least kahit gatuldok lang ako sa bahagi ng reality show na ito ay nagkaroon ako ng chansa. Sabi nga nila, hindi ka raw maaring mapabilang sa panalong inaasam mo kung hindi kalahok.
Kaya sa Pang 3146 kong numero bilang kalahok sa audition at kahit di ako natanggap hindi ako nagsisisi. Kaya nga minsan iniisip ko bakit “As a Blogger, Open-minded Person ako.” ang naisagot ko kay Direc Diogi? Siguro dahil alam nyang maiintindihan ko kung bakit ako di matatanggap ( Hehehe!!!)
Muli po maraming salamat sa ABS-CBN sa kanilang PBB at PDA Audition here in Baguio City!
